"Nýja lífið"

Núna er ég búin að vera í vinnunni í heila viku og líkar alveg frábærlega vel :) Fjölbreytt verkefni framundan og mikill lærdómur í sambandi við útboð á verkefnum, pælingar í kostnaði, námskeið og alls konar dót sem mig óraði ekki fyrir að ég myndi einhvern tíma koma nálægt.
En svona er lífið.....það tekur alls konar óvæntar stefnur þegar maður á minnst von á. Fjölskyldan fékk líka aðeins að finna fyrir því í vikunni þar sem pabbi minn liggur nú á sjúkrahúsi og bíður aðgerðar á hjarta. Sá ferill mun taka 3-4 mánuði og megum við þakka fyrir að hjartalæknir hans á Akureyri fylgist vel með honum að ekki er búið að fara verr. Annars vil ég ekki ræða þetta frekar hér á blogginu mínu, þar sem mér finnst það óviðeigandi gagnvart öllum.
Ég vil því enda þetta blogg á því að vitna í vinkonu mína,
Gangið á Guðs vegum....

Kellingin að flytja......

Já, það er orðið ljóst að kellingin er að flytja í borgina. Ég er komin með vinnu hjá Verkfræðistofu Sigurðar Thoroddsen (VST) og byrja að vinna á fimmtudaginn næsta!!
Nú er allt að gerast, ég er að kaupa mér bíl í dag og svo er ég á fullu að leyta mér að íbúð í borginni til kaups......er samt pínu efins hvort ég eigi að kaupa strax......er að hugsa um að sjá til hvernig mér líkar vinnan fyrst. Er það ekki skynsamlegt???
Annars var ég að segja Kristíönu frá því að nú væri ég að flytja til Reykjavíkur og viðbrögðin stóðu ekki á sér hjá dömunni: "Af hverju þarft þú alltaf að vera flytja svona?" Já, þegar stórt er spurt er lítið um svör! Hún hafði nú líka áhyggjur af því að ég þekkti engan í Rvík, en ég gat nú talið nokkra upp sem eru á höfuðborgarsvæðinu :)

Ég, mamma og pabbi erum svo búin að panta okkur flug út í desember. Förum 12. des og verðum alveg til 18. des. Útskriftin er 17. des. Við mamma höfum mestar áhyggjur af pabba því hann nennir örugglega ekki að labba með okkur í allar búðirnar sem við "þurfum" að fara í.

Ég lýsi því hér með eftir karlmanni sem er til í að fara til Bretlands á þessum tíma og sitja á pöbb með pabba meðan við mamma verslum. Pabbi er einstaklega skemmtilegur maður, orðinn soldið gráhærður og hefur gaman af tækjum og tólum. Hann hefur ferðast mikið og elskar jólin, því þá fær hann að skreyta húsið sitt og trén í garðinum með jólaljósunum sínum auk annarra skreytinga!!

ÉG!!

• Ég á ekki bíl
• Ég á ekki íbúð
• Ég á ekki barn
• Ég á ekki kærasta
• Ég á ekki einu sinni afmæli.......nema á fjögurra ára fresti!!!

• Ég er kona
• Ég er atvinnulaus
• Ég er á fertugsaldri
• Ég er einhleyp

sem bý í foreldrahúsum!!

Whatta catch, eh????

Kíkið á þetta.....

Svona er mar nú orðinn frægur!!!

www.vinnis.is

Það sem framundan er......

• Í dag er ár síðan ég settist á skólabekk í Bretlandi
• Í dag hef ég legið í leti
• Hvað ætli ég verði að gera eftir eitt ár???? Spennandi

Ég veit allavega hvað ég er að fara gera í október:

1. Um helgina er reunion hjá iðju-bekknum mínum í Borgarfirði sem ég ætla að taka þátt í þar sem ég missti af því síðast
2. Skunda svo í borgina til að fara í atvinnuviðtal
3. Verð með Hafnarfjarðargellurnar helgina þar á eftir
4. Kem norður aftur 14. okt
5. Stefni á að fara á Neskaupstað til Elísu í rauðvín helgina 19.-21. okt

Á meðan á dvöl minni stendur í borginni (sem verður alveg vika) ætla ég að reyna hitta mikið af fólki, borða góðan mat........eða nei! Ég er víst byrjuð á danska!!!! Æi, ég verð þá bara annaðhvort að sleppa því eða byrja bara seinna!!!.....og fá vinnu!

See you :)

Vornin buin........jiha :)

Hae, hae!

I tessum toludum ordum var eg ad klara ad verja verkefnid sem gekk vonum framar :) Eg var gjorsamlega ad farast ur stressi adur en eg gekk inn og vissi ekkert hverju eg atti von a. En, eg gat svarad ollum spurningunum med glaesibrag og teir sogdu vid mig ad eg tyrfti ekki ad ahyggjur af neinu:) Eg get tvi farid ad slaka a og kallad mig Meistari Valdis :) Otrulegt en satt.

Eg sit her a netkaffihusi i Lofbro og bid eftir ad lestin min til London fari. Eg aetla nuna ad fara i Virgin og kaupa mer e-d af diskum og svo verd eg nattla ad koma vid i samlokusjoppunni minni og fa mer samloku. Eg verd nu samt ad jata tad ad tegar eg labbadi framhja ibudinni minni ta langadi mig ad fara grata.......eg sakna UK svo mikid!!! En, eg aetla pottthett ad flytja hingad einu sinni enn!! Bara spurning um hvenaer!

Jaeja, aetla ekki ad hafa tetta lengra i bili.

Takk til allra sem hugsudu til min a medan a tessu stod......tad greinilega virkadi :)
Sjaumst eftir ruma viku tegar eg kem aftur til Islands :)
Meistari Valdis ;)

Er að fara í ferðalag......jibbí!

Hellú!

Síðustu daga hef ég bara notið þess að vera til, gert það sem mig hefur langað til sem hefur gert það að verkum að ég hef ekki hugmynd hvað klukkan er eða hvaða dagur er! Yndislegt líf :)

Í kvöld ætlar lítil stelpa að fá að gista hjá mér og á morgun ætlar hún svo í afmæli. Á meðan hún er í afmælinu ætla ég og Anna Kristrún að hjóla litla Eyjafjarðarhringinn.....svona í staðinn fyrir að taka þátt í Akureyrarhlaupinu! Já, mar verður að halda áfram að hreyfa sig í einn dag eins og brjálæðingur og gera svo ekki neitt í margar vikur á milli! Hentar mér allavega mjög vel :)

Svo er það ferðalagið sem ég er að fara í! Það verður örugglega svoldið strembið, en svona er planið:

Þriðjudagur: Flýg til Reykjavíkur
Miðvikudagur: Flýg til London
Fimmtudagur: Lestaferð til Loughborough
Föstudagur: Lestaferð til London
Laugardagur: Flýg til Danmerkur (Esbjerg)
Staldra aðeins við þar tek svo lestina til Randers þar sem ég staldra e-ð við og svo tek ég lest til Horsens þangað til ég flýg til Íslands frá Billund á laugardskvöldinu.

Þetta er svona gróflega planið....og mikið hlakka ég til :) Verður bara gaman :)

Jæja, ég ætla að fara í brunch til Stínu,
heyrumst

The caveman is back!!!

Hellú allir saman,

Úff hvað það er langt síðan ég hef bloggað! En eins og titillinn gefur kannski til kynna þá hef ég verið inní mínum helli síðan ég bloggaði síðast! Ég fór ekki í klippingu, skipti hvorki um föt né tyggjó í margar vikur, skegg var farið að vaxa í andlitið á mér og bananar út úr eyrunum! Næs, eh? En svona hafa vikurnar liðið hver á fætur annarri með auknum blaðsíðufjölda í lokaritgerðinni minni......svo það var allavega það jákvæða við þetta allt saman :) Klukkan 14.26 að staðartíma þann 2.september sl. lauk skrifum á lokaverkefninu mínu. Hún endaði í 98 bls. og 164 bls með viðaukum! Ég náttla dansaði þá stríðsdansinn út á palli þar sem pabbi kom labbandi á móti mér! 'ÉG ER BÚIN' kallaði ég í humátt að pabba sem svaraði að bragði....'Komdu þá út að tína ber'..............ég endurtek: 'Komdu þá út að tína ber!!!!!!' Ég hélt ég yrði ekki eldri! Eins og það væri það fyrsta sem mig langaði að gera eftir að hafa verið inní helli í 4 vikur! Ég hélt nú ekki, fór í hlaupagallann, brunaði útí Kjarna og tók einn léttan hring þar :) Bara gott :)
Ég er síðan búin að vera tjasla mér saman eftir þetta allt saman, fara í vax og klippingu og fer svo í húðhreinsun í næstu viku. Um helgina ætla ég svo að skella mér í borg óttans og taka þátt í afmælisþingi hjá Vinnuvistfræðifélaginu (Vinnís) á föstudaginn. Eftir það ætla ég að skella mér til Þorlákshafnar til Árnýjar og co. og knúsa strákana.....drekk örugglega e-ð að hvítvíni á meðan þeirri dvöl stendur :) Gaman að því :)
Annars er það að frétta að ég fékk ekki vinnuna hjá verkfræðistofunni sem hringdi í mig um daginn og ég fór í viðtal hjá. Það var vegna verkefnaskorts og gaf konan mér upp fullt af fyrirtækjum sem ég gæti leytað til vegna vinnu þar sem hún sagði: 'Það er nú ekki á hverju strái sem fólk með þinn bakgrunn er í leyt að vinnu' ....svo ég var nú bara ánægð að heyra það. Annars er ég nákvæmlega ekkert stressuð yfir vinnumálum og ætla bara að leyta aftur þegar ég er búin að fara í reisuna mína sem byrjar 19. sept nk. Þá flýg ég til UK og fæ að gista eina nótt hjá Sonju. Eftir það tek ég lest til Lofbró og gisti þar eina nótt. Ver verkefnið mitt þann 21.sept og fer strax aftur til London þegar sá horror er búinn. Gisti aftur eina nótt hjá Sonju og flýg svo til DK þar sem ég ætla hitta Selmu, Atla og krakkana; Hemma, Freyju og stelpurnar; Louisu, Lárus og sjónvarpið þeirra :) Hlakka ekkert smá til.....þetta verður bara stuð! Ég flýg svo aftur tilbaka 29.sept í svellkaldan raunveruleikann.
Jæja, ég ætla ekki að hafa þetta lengra í bili
See you later, alligator ;)

Súlur og sólbrennsla....

Á þriðjudaginn arkaði ég upp á Súlur....ekki í fyrsta skipti svo sem, en í fyrsta skipti sem það er klikkaðslega gott veður þarna uppi. Ég fór með Önnu Kristrúnu og við gátum bara setið uppi alveg heillengi því það blakti ekki hár á höfði....slíkt var lognið!

Hér sjáið þið myndir :)

En eins og yfirleitt er ekki allt tekið út með sældinni einni saman....ég kom niður svo þvílíkt sólbrennd að Sigga mágkona er búin að vera með Aloe Vera gelið á mér, núna þriðja daginn í röð...og ég er að fara í brúðkaup á laugardaginn!!! Æi, það skiptir engu, ég þekki hvort sem er engann þarna!!! Já, hann Hartmann er að fara gifta sig á laugardaginn svo ég ætla að skunda í borgina og taka þátt í gleðinni. Ég er víst búin að segja við veislustjórann að ég ætli að halda ræðu...en hún er nú ekki enn komin á blað! Sjáum til hvort andinn kemur ekki yfir mig!

Svo eru það vinnumálin. Verkfræðistofan hringdi sem sagt í mig í síðustu viku og vill fá mig í atvinnuviðtal. Ég þarf því að fara aftur suður í ágúst. Viðtalið verður þann 17.ágúst kl. 900....gangi mér vel!

Annars er ekkert að frétta af lokaverkefninu mínu......það gengur hvorki né rekur! Leiðbeinandi minn svarar mér ekki tölvupósti og ég hef ekki enn fundið "motivation" til að setjast niður og skrifa og skrifa og skrifa! Ef einhver hefur séð áhugahvötina mína á víðavangi þá má sá hinn sami hringja í mig eða koma henni til mín!

Jæja, ætla ekki að hafa þetta lengra í bili......

Tjá, amigos :)

Lokaverkefnið, vinna, nýr bíll, www.ja.is og Tópas skot!

Hello!

Hvað segist? Af mér er allt ágætt að frétta fyrir utan að leiðbeinandi minn í Bretlandi er með einhver leiðindi við mig. Hann segir að þar sem ég er búin með gagnaöflunina þá hljóti ég að vera með of lítið efni til að fjalla um! Mér finnst ég vera kafna í efni og er ekki byrjuð að greina gögnin sem er lang mesta vinnan. Ég er aðeins byrjuð að skrifa....komin með 3 bls! Það er allavega byrjun!!! Ég hafði samband við leiðbeinanda minn hér heima og hann var alveg sammála mér um að ég væri með nóg efni til að fjalla um...spurning hvað yfirvaldið segir nú þegar ég er búin að skrifa honum mail um hvað ég er með!

Ég er svo loksins að komast aftur á vinnumarkaðinn svona með haustinu. Fyrirtækið sem ég hafði pínu áhuga á að vinna hjá hefur ekki sýnt mér þann áhuga sem ég átti von á, svo ég nenni ekki að standa í þeim lengur. Reyndar var kosturinn við það fyrirtæki að ég hafði möguleika á að vera hér á Akureyri, en það þýðir víst lítið að tala um það þegar mar er að koma sér á framfæri.

Ég fékk svo skemmtilegan póst í síðustu viku....leiðbeinandi minn hér á Íslandi sendi mér hann, sem sagði að verkfræðistofa nokkur í Rvík hefði haft samband við hann til að fá símanúmerið mitt og netfang vegna vinnu!!! Hann sendi honum það að vísu ekki fyrr í gær svo ég bíð bara spennt yfir því. Allir að krossa fingur og tær fyrir mig - ok? Því þetta er nákvæmlega það sem ég vil gera og því ekki slæmt að byrja á því sem mann langar! En það hefur í för með sér að muni flytjast á suðurlandið....er að hugsa um að gerast gaflari ef útí það fer!

Svo er ég að skoða bíla til kaups. Hólmgeir bróðir er að hjálpa mér í því! Er búin að sjá einn sem mér líst rosalega vel á - Rav4....best að fara í bankabókina og telja peningana mína....NOT!!! En í fyrsta skipti á ævinni hef ég verið að velta fyrir mér að kaupa bíl sem ég á sjálf....svona sem ég á ein. Svo það gæti verið að þið farið að sjá mig þeytast um borg og bý á slyddujeppa (eins og pabbi kallar þá) á næstu dögum, vikum eða mánuðum...fylgist með því.

ja.is er að standa sig helv...vel! Ég fékk að vita það í gærkvöldið að ég er enn skráð í Mosó með heimilisfang hjá þeim.....og Skúli með mér.....sem er NB kallinn sem ég leigði íbúðina af!!! Til að fyrirbyggja allan misskilning og hafa það alveg á hreinu þá hef ég aldrei og mun aldrei búa með þessum manni!!!

En snúum okkur að einhverju skemmtilegu. Ég er alltaf að gleyma að segja ykkur frá einhverju. Um daginn gleymdi ég að segja ykkur frá því þegar ég gaf nokkrum bekkjarfélögum mínum Tópas skot að smakka....bretar eru ekki mikið fyrir lakkrís! En myndirnar tala sínu máli.......

Allt er gott sem endar vel.....

2/3 Vinnuvistfræðingur.....jibbíííí!

Hey,

Hvað segist eillega í fréttum?

Af mér er allt gott að frétta, ég stóðst öll prófin með glæsibrag og get því næstum því alveg farið að kalla mig Vinnuvistfræðing.....sem er náttla bara gaman þegar mar hefur lagt hart að sér til að ná þeim titli.

Ég ætlaði svo alltaf að sýna ykkur myndir frá síðasta sólarhringnum mínum í Lofbró....ég skilaði íbúðinni á laugardeginum og fór heim til Annabelle og Dave og gisti hjá þeim eina nótt......og ég get sagt að það var upplifun!

Annabelle sótti mig um fégur leytið og við brunuðum útí sveit þar sem þau búa. Þau voru náttla búin að fara til slátrarans á horninu og kaupa pylsur og lamb á grillið um kvöldið. En fyrst þurftum við náttla að byrja á því að kíkja á pöbbinn og væta kverkarnar áður en hafist var handa við eldamennskuna. Það var geggjað veður og við sátum úti við "canal" bakkann þar sem bátar af öllum stærðum og gerðum sigldu framhjá.

Svo var arkað heim á leið og kveikt upp í grillinu.......

.......og á þessu heimili er allur maturinn kláraður, eins og sjá má á þessum myndum.......

Þetta eru náttúrulega bara snillingar dauðans.....og mikið sakna ég þeirra!

Morguninn eftir var svo líka tekinn með pompi og parkt þar sem Dave fór á kostum í eldhúsinu, steikti bacon, sveppi og egg, ristaði brauð og hitaði baunir.....og OMG hvað þessi morgunmatur stóð lengi með mér á ferðalaginu heim......

....svona mun ég alltaf fá mér þegar ég þarf að ferðast langt og hef ekki tíma til að borða á leiðinni!!

Jæja, þá er best að fara hætta í bili.....ætla bjóða mömmu á Greifann í tilefni dagsins svo pabbi geti farið í golf í friði....

See you later....alligator!

Smá uppdögun

Er ekki kominn tími til að blogga, eða hvað?
Það hefur nú lítið gerst í lífi mínu síðan ég kom heim. Reyndar áttu ónefndir flutningsaðilar og tollarar eitthvað erfitt með að koma gámnum til okkar þar sem þeir voru ekki að gúddera að það væru tvær búslóðir í gámnum á einni tollaskýrslu. NB! Það er boðið upp á það á tollaskýrslunni að skrifa hvort það eru fleiri sendingar í gámnum. Þannig að við þurftum að gera nýjar tollaskýrslur og þetta tók allt sinn tíma. Starfsmaðurinn sem sá um þetta fór svo bara í sumarfrí til útlanda og ekki búinn að leysa gáminn út og við bara biðum og biðum. En nú er þetta allt að koma og ég er sem sagt að keyra á litlum sendibíl til Þorlákshafnar á laugardaginn, gista þar eina nótt hjá Ljúfu og co. og keyra svo aftur heim með allt dótið mitt á sunnudaginn.
Þetta hefur náttúrulega gert það að verkum að ég hef lítið getað gert í lokaverkefninu mínu þar sem allar greinarnar sem ég var búin að prenta út og allar bækurnar mínar voru fastar í gámnum. Annars er ég búin að fara og halda smá kynningu fyrir tannlæknana á verkefninu og búin að gera smá "pilot work" á einni stofunni. Svo ég er aðeins byrjuð. Það verður fínt þegar gagnaöflunin verður búin og ég get farið að sitja niður og pæla virkilega í hlutunum og skrifa um þá. Geri ráð fyrir að gagnaöflunin taki 2-3 vikur (vonandi ekki meira). En við sjáum bara til með það.....ég stefni allavega á það.
Jæja, hef ekki meira að segja í bili
bið að heilsa ykkur.......

Flutningur yfirstaðinn að mestu og prófin búin :)

Helló!
Jæja, þá eru tvær brjálaðar vikur að baki og ég er farin að slaka á og njóta þess að vera til þangað til ég kem heim til að skrifa lokaritgerðina mína. Ég gleymdi alltaf að segja ykkur að lokaverkefnið hefur breyst mikið að undanförnu þar sem hönnunin á tækinu sem ég ætlaði að meta er ekki tilbúin til notkunar. Svo á tímabili var um það að ræða að ég myndi ekki útskrifast á réttum tíma vegna þessa.....en nú er þetta allt að smella og lokaverkefnið mitt mun fjalla um vinnuumhverfi tannlækna og ætla ég að nota sérstaka aðferðafræði (Link analysis) til að skoða hönnunina (layout) á nokkrum tannlæknastofum :) Bara gaman :) En þar sem varla er hægt að tala um tannlækna nema hugsa um sársauka þá ætla ég líka að skoða vinnustellingar þeirra!

En hvað um það þá eru 10 dagar síðan dótið mitt fór héðan frá Lofbró og læt ég fylgja tvær myndir með af því.

Hvar er Þór? Ég flutti svo mikið dót að Þór greyið týndist á bakvið það allt saman!

Bööö! Þarn er hann :) Hann var búin að fara eina ferð á undan þessari!

Þennan dag var Bank Holiday hér í Bretlandi og það var settur upp heilmikill markaður og allskonar leiktæki fyrir börnin. Þór komst þá ekki að húsinu með bílinn.....en við redduðum okkur með því að lánaða trillu á kaffihúsinu á neðri hæðinni til að ferja dótið í bílinn. Þvílíkur munur :)

Svo eru það prófin....úff, hvað þetta var erfiður tími. Þrjú próf í röð, mánudag, þriðjudag og miðvikudag. Það er ekki hægt að segja annað en að í prófinu í gær þá var fólk komið með bauga niðrá maga því prófið á þriðjudeginum var til kl. 18 og prófið á miðvikudeginum kl. 9 um morguninn....asskoti strembið! Ég las til kl. 1.30 um nóttina og vaknaði aftur 5.50 til að byrja aftur! En hvað um það, þau eru búin og ég hef nákvæmlega enga hugmynd um hvernig mér gekk......markmiðið var bara að ná, það var ekki sett hærra en það svo nú er bara að bíða og sjá hvort það gekk upp!

Eftir prófið í gær var strax farið á pöbbinn, fengið sér vínglas og góðan mat. Hér eru nokkrar myndir af því.

Damien (frá Bretlandi), Annabelle (frá Nýja-Sjálandi og besta vinkona mín í skólanum) og Lucy (frá Ástralíu).

Lucy, ég og Alison (frá Kanada).

Annabelle, Rita (frá Portúgal), ??? Claire (frá Kanada), Robin (frá Bretlandi) og Damien.

Richie frá Wales. Hmmm....hvað ætli hann sé að hugsa???

Við Annabelle fórum svo heim til mín um kl. 17, fengum okkur smá að borða, drukkum meira og fórum á annan pöbb! Hér eru nokkrar myndir af því.....

Annabelle sæta gella að prófa sólgleraugun mín :)

Við í myndavélakasti :) Ánægðar að vera búnar í prófum :)

Alison og Annabelle :)

Valdís sólbrennda og Nick sæti (frá Grikklandi).......hann er voða skotin í mér ;)

Jæja, ég ætla ekki að hafa þetta lengra að sinni.....ég kem til Íslands á sunnudagskvöldið og norður á þriðjudaginn. Reyndar langar mig nákvæmlega ekkert heim núna, en það er önnur saga!

Sjáumst í næstu viku ;)

Survivor keppni

Þá er survivor keppnin byrjuð. Reyndar er ég bara að keppa við sjálfa mig um hvað ég kemst af með lítið af dóti næstu 2 vikurnar eða svo. Það er ekki hægt að segja annað en að það sé tómlegt hér á 39 Market Street, flat 8 og bergmál heyrist þegar ég ýti á takkana á lyklaborðinu.
Þegar ég kom hér 23.apríl 2006 var ég með eina stóra ferðatösku og skólatösku á bakinu með tölvu. Ég sendi svo sjálfri mér tvo kassa af bókum úr iðjuþjálfuninni.......Það sem ég fer heim með, er ca. 1/4 úr gámi, þ.e. 10 kassar, 3 ferðatöskur, 1 sófasett og 1 sjónvarp.....og það er ekki allt því ég þarf að senda einn kassa í viðbót áður en ég skila íbúðinni. Já, það hefur greinilega mikið verslað síðasta árið, enda komið svo að ég þurfi að leggjast upp á aldraða foreldra mína til koma lífi mínu aftur á rétta kjöl.....peningalega séð. En, það er nú alltaf gott að komast á Hótel Mömmu af og til, þó ég viti að pabbi er á fullu að skoða leiguhúsnæðisauglýsingarnar í Dagskránni....hmm, ætli ég eigi e-ð að taka þetta til mín?
Jæja, nú verð ég að halda áfram að læra fyrir prófin.....sé nú ekki alveg hvernig ég ætla að komast í gegnum þau, ef ég á að vera alveg hreinskilin....en ég þarf þá bara að takast á við hið óþekkta eins og sannur survivor, eh?

Kaffivélin mín:)

Svona lítur hún út, en ég get því miður ekki sett inn mynd af sófasettinu mínu!

Má bjóða þér upp á kaffi?

Tjá í bili.....

Comment

Hæ!
Mér var bent á að ekki væri hægt að kommenta á síðuna nema logga sig inn. En ég er búin að laga það og nú getur hver sem er kommentað.
Svo nú er bara að kommenta, segja hæ, bæ, gaman að heyra í þér, hlakka til að fá þig aftur alkomna til Íslands, gangi þér vel........eða bara hvað sem ykkur dettur í hug :)

Later
VBÞ

Nýjustu kaupin....

Hér sjáiði hringinn sem ég keypti mér í London...flottur, eh? Spurning um að gylla hann svo ég verði 100% ánægð!
Næstu tvær myndir eru svo af Japönskum Kimono sem ég keypti á Ebay, en ég fékk vitlausan og nenni ekki að standa í því að skipta svo hann er til sölu!!

Eigið góða viku.....ég veit að mín verður vitlaus, því ég þarf að:
Mánudagur:
Halda fyrirlestur
Klára eitt verkefni
Gera spurningar klárar fyrir kennarann að svara mér fyrir vegna prófsins
Þriðjudagur:
Skóli frá 9-5
Skipuleggja upplestrarfrí fyrir prófin
Miðvikudagur:
Lesa fyrir próf
Fimmtudagur:
Fundur vegna lokaverkefnis
Breyta flugmiðanum heim
Panta lest
Gera nýja umsókn fyrir lokaverkefnið því það hefur breyst
Fylla út búslóðaflutningspappíra
Pakka niður í kassa
Föstudagur:
Þór sækir dótið mitt
Lesa fyrir próf þangað til 4.júní......

Until then,
chiao amigos

Nýr heimur

Ákvað að skipta um blogg heim þar sem mér fannst leiðinlegt að geta ekki sett inn myndir nema með brasi.

Heyri í ykkur seinna,

Breska-Brása.....bráðum samt Íslenska-Brása!